پی آئی اے کی پروازوں سے برطانیہ جانے والے مسافروں کیلئے اہم خبر

کراچی : برطانیہ کےڈپارٹمنٹ فارٹرانسپورٹ نے قومی ایئر لائن کیلئےتھری ڈی ایس نظام کی درخواست منظورکرلی ، جدید نظام کے ذریعے پی آئی اے کی پروازوں سے برطانیہ جانے والے مسافروں کی سفری دستاویزات کی جا نچ پڑتال بر وقت ہو سکے گی۔

تفصیلات کے مطابق ایئرمارشل ارشد ملک کی خدمت قومی ایئرلائن پی آئی اے کے لئے ایک اور اہم سنگ میل ثابت ہوئی ، برطانیہ کےڈپارٹمنٹ فارٹرانسپورٹ نےقومی ایئرلائن کیلئےتھری ڈی ایس نظام کی درخواست منظورکرلی۔

جدیدنظام سے اسلام آباد سے برطانیہ جانیوالےمسافروں کو برطانوی ایئرپورٹس پرزائد سامان،بروقت بورڈنگ کےعلاوہ دیگرسہولیات میسر ہوں گی اور مسافروں کےسفری دستاویزات کی جانچ پڑتال بروقت ہوسکے گی۔

سسٹم نصب ہونے سے پی آئی اے مسافروں کوبین الاقوامی ہوابازی کا سازگار ماحول بھی مل سکے گا، تھری ڈی سسٹم کی تنصیب کیلئے برطانوی سیکیورٹی ایجنسی ڈی ایف ٹی تین روزہ دورے پرپیرکواسلام آباد پہنچے گی۔

خیال رہے ایئرمارشل ارشد ملک نے برطانیہ کےڈپارٹمنٹ فارٹرانسپورٹ سے تھری ڈی سسٹم کے لیے درخواست کی تھی۔

یاد رہےپی آئی اے کی  بیرون ملک جا نے والی پروازوں میں مسافروں کی تعداد میں اضافہ ہوا تھا ، چھ ما ہ کے دوران ایک لاکھ 29 ہزار سے زائد مسافروں نے سفر کیا، اس دوران پی آئی اے نے 595 پر وازیں آپریٹ کی، مسافروں کی تعداد میں اضا فہ کینیڈا ،لندن ، سعودی عرب اور دبئی جا نے والی پروازوں میں ہوا۔

پی آئی اے نے کراچی سے بیرون ملک جا نے والے مسافروں سے اضا فی سا ما ن کی مد میں 71 لاکھ 77 ہزار روپے کا ریو نیو حا صل کیا۔