وزیراعظم کی رحیم یارخان میں مندر پر حملے کی مذمت، بحالی کا فیصلہ

وزیراعظم عمران خان کی رحیم یار خان میں مندر پر حملے کی مذمت کی ہے۔

عمران خان نے کہا کہ آئی جی پنجاب کو تمام ملزمان کو گرفتار کرنے کے احکامات دے رکھے ہیں۔ وزیراعظم نے ہدایت کی ہے پولیس کی جانب سے کسی بھی قسم کی غفلت کے خلاف کارروائی کی جائے۔

انہوں نے ٹویٹ کیا کہ حکومت متاثرہ مندر کو بحال کرے گی۔

Strongly condemn attack on Ganesh Mandir in Bhung, RYK yesterday. I have already asked IG Punjab to ensure arrest of all culprits & take action against any police negligence. The govt will also restore the Mandir.

— Imran Khan (@ImranKhanPTI) August 5, 2021

یال رہے کہ سپریم کورٹ آف پاکستان نے رحیم یار خان میں مندر پر حملے کا نوٹس لے لیا ہے۔ چیف جسٹس گلزار احمد سے ایم این اے رامیش کمار نے ملاقات کی ہے۔

ترجمان سپریم کورٹ نے بتایا کہ ملاقات میں مندر پرحملے متعلق تفصیلی گفتگو ہوئی ہے۔ چیف جسٹس نے مندر پر حملے کے متعلق معاملے پرسماعت 6 اگست کو مقرر کردی ہے۔