انٹرنیٹ صارفین کے لیے بڑی خبر

نیویارک: امریکا کی نامور ٹیکنالوجی کمپنی مائیکرو سافٹ نے انٹرنیٹ ایکسپلورر کی سروس مکمل طور پر بند کرنے کا اعلان کردیا۔

مائیکروسافٹ ونڈوز کے ساتھ پیکج میں ملنے والے انٹرنیٹ براؤزر کا استعمال وقت کے ساتھ ساتھ خود بھی کم ہوگیا یہی وجہ ہے کہ اب اس کے صارفین کی تعداد گھٹ کر سیکڑوں میں پہنچ گئی ہے۔

انٹرنیٹ ایکسپلورر استعمال نہ کرنے کی اہم وجہ دیگر کمپنیوں کی جانب سے پیش کیے جانے والے براؤزر ہیں کیونکہ وہ اچھا اور تیز کام کرتے ہیں۔

مائیکروسافٹ نے اس سے قبل اعلان کیا تھا کہ 25 سال مکمل ہونے کے بعد انٹرنیٹ ایکسپلورر کی سروس کو مکمل طور پر بند کردیا جائے گا۔

اب کمپنی نے ایک بار پھر واضح کیا کہ انٹرنیٹ ایکسپلورر کو متعارف ہوئے پچیس سال کا عرصہ آئندہ برس مکمل ہوجائے گا جس کے بعد 17 اگست 2021 سے سروسز مکمل بند ہوجائیں گی۔

 کمپنی ترجمان کا کہنا ہے کہ ’انٹرنیٹ ایکسپلورر کی سپورٹ ختم ہونے کے بعد صارفین کو کرومیم بیسڈ ایج براؤزر کی سروس فراہم کی جائے گی‘۔

آئندہ سال اگست کے بعد کمپنی کی باقی 365ایپلی کیشنز اور سروسز میں سے کوئی ایک بھی انٹرنیٹ ایکسپلورر کے ساتھ منسلک نہیں ہو گی۔

واضح رہے کہ مائیکروسافٹ نے پانچ سال قبل نئے برواؤزر پر کام شروع کردیا تھا، اب اس کی آزمائش کا مرحلہ بھی مکمل کرلیا گیا ہے اور آئندہ برس سے یہ تمام صارفین کو دستیاب ہوگا۔