کارڈسے رقم نکلوانے کی حدسے متعلق اسٹیٹ بینک کی وضاحت
اسٹیٹ بینک آف پاکستان نے اے ٹی ایم سے رقم نکلوانے کی حد ایک ہزار روپے کرنے کے پیغام سے متعلق وضاحت جاری کردی۔ ترجمان کا کہنا ہے کہ یہ پیغام جعلی ہے، عوام توجہ نہ دیں۔
نامعلوم افراد کی جانب سے موبائل پر پیغام بھیجا جارہا ہے کہ اسٹیٹ بینک آف پاکستان نے اے ٹی ایم (کارڈ) سے رقم نکلوانے کی حد ایک ہزار روپے کردی ہے۔
اسٹیٹ بینک آف پاکستان نے اے ٹی ایم سے رقم نکلوانے کی حد سے متعلق پیغام کی تردید کرتے ہوئے واضح کیا ہے کہ یہ پیغام جعلی ہے، عوامہ توجہ نہ دیں۔
ترجمان اسٹیٹ بینک عابد قمر کا اس حوالے سے کہنا ہے کہ اسٹیٹ بینک ایسا میسیج کر ہی نہیں سکتا، مرکزی بینک کی پالیسی پاکستان میں ڈیجیٹل بینکنگ کا فروغ ہے۔
واضح رہے کہ اسٹیٹ بینک نے کاروبار کے فروغ اور سرمایہ کاری میں اضافے کی ترغیب کیلئے آج (جمعہ کو) نئی مانیٹری پالیسی کا اعلان کیا ہے، جس کے مطابق شرح سود 7 فیصد پر برقرار رکھی گئی ہے
Facebook Comments