ھفتہ 22 جنوری 2022

لڑکی نے لڑکےپرپہلی ملاقات میں کھانے کاکتنا بل پھاڑا،جان کر آپ ہنسی نہیں روک پائیں گے۔

بیجنگ(مانیٹرنگ ڈیسک) چین میں ایک لڑکی ایک لڑکے سے پہلی ملاقات کے لیے گئی اور اس لڑکے کی فیاضی کا امتحان لینے کے لیے اپنے ساتھ اپنی فیملی کے 23لوگوں کو بھی لے گئی۔اتنے لوگوں کو ہوٹل میں دیکھ کر لڑکے نے کچھ ایسا کیا؟ جان کر آپ کے لیے ہنسی روکنا مشکل ہو جائے گا۔

دی سن کے مطابق یہ واقعہ چینی صوبے ژی جیانگ میں پیش آیا جہاں اس لڑکے اور لڑکی کی یہ پہلی ملاقات ہوئی۔ اس29سالہ لڑکے کا نام لوئی بتایا گیا ہے۔ ملاقات سے قبل لوئی نے لڑکی سے کہا کہ کھانے کا بل وہ ادا کرے گا۔ لڑکی لوئی کی اس بات سے متاثر ہوئی اور اس کی دریادلی کا مزید ٹیسٹ لینے کا فیصلہ کیا اور اپنے فیملی کے 23افراد کو ساتھ ڈیٹ پر لے گئی۔ سب نے مل کر کھانا کھایا اور جب ویٹر نے 2300ڈالر (تقریباً 4لاکھ روپے)کا بل لا کر سامنے رکھا تو لوئی کے ہاتھوں کے طوطے اڑ گئے اور اس نے پورا بل دینے سے انکار کر دیا۔

لوئی نے کہا کہ وہ بل کا ایک حصہ ادا کرے گا۔ باقی بل لڑکی اور اس کے رشتہ دار ادا کریں۔مقامی میڈیا سے گفتگو کرتے ہوئے لوئی کا کہنا تھا کہ میں نے لڑکی کو متاثر کرنے کے لیے بل ادا کرنے کا وعدہ کیا تھا۔ مجھے کیا معلوم تھا کہ وہ اتنے لوگ ساتھ لے کر آ جائے گی۔

Facebook Comments