پیر 23 مئی 2022

وزیراعظم عمران خان کی سابقہ اہلیہ کا شوہر کی بےوفائی پر مبنی فلم کاٹیزر جاری

لاہور (دھرتی نیوز)وزیراعظم عمران خان کی سابقہ اہلیہ مصنفہ اور پرڈیوسر جمائمہ خان کی کراس کلچرل رومینٹک وکامیڈی فلم (واٹز لو گوٹو ڈو ود اٹ ) کا نیا ٹیزر جاری کر دیا گیا۔اس فلم کا اعلان پچھلے سال نومبر ۲۰۲۰ میں کیا گیاتھا جس میں یہ بھی بتایا گیا کہ جمائمہ خان اس فلم کو پرڈیوس کر رہی ہیں۔اس فلم سے خالصتا دیسی شادی کودکھایا گیا ہے۔

اس فلم میںاداکارہ سجل علی ،شبانہ اعظمی،ایما تھامسپن ،للی جیمس اور شہزاد لطیف سمیت دوسرے اراکین بھی شامل ہیں۔ بالی ووڈ کے مشہور ڈائریکٹر اور فلم میکر شیکر کپور اس فلم کو ڈائریکٹ کر رہے ہیں۔گزشتہ دنوں سٹوڈیو کینل یو کے نے فلم کی پہلا؟ٹیزر جاری کر دیاجس میں لڑکے نے سفید رنگ کا کرتہ زیب تن کیا ہوا ہے اور اس کے ساتھ ایک لڑکی کھڑی ہے ایسا لگ رہا ہے کہ دونوں کسی شادی پر ہے۔

یاد رہے کہ رواں ہفتے کے شروع میں اداکارہ سجل علی نے بھی اپنے انسٹاگرام پر فلم واٹز لو گوٹو ڈو ود اٹ کے سیٹ سے ایک سیلفی اپنے مداحوں کے ساتھ شیئر کی جس کے کیپشن میں انھوں نے لکھا کہ ” ایسے نہ مجھے تم دیکھو “۔

گزشتہ سال اپنے انٹرویو میں فلم ڈائریکٹر شیکر نے فلم کی کہانی کے متعلق بتایا کہ اس فلم میں بنیادی طور پر دو مختلف کلچر کے تضاد کو بتانے کی کوشش کی گئی ہے، یہ ایک مزاحیہ لو سٹوری ہیں، یہ بتانے کی بھی کوشش کی گئی ہے کہ کس طرح سے ایک تہذیب کے لوگ اپنی ذہنی پسماندگی کو چھپانے کے لیے اپنی پہچان کوچھپاتے ہیں۔

بات کی جائے سجل علی کی تو سجل علی اس سے پہلے بالی ووڈ کی فلم مام میں بھی اپنی اداکاری کے جوہر دکھا چکی ہے جس میں وہ سری دیوی کی بیٹی کا کردار نبھا چکی ہے۔

Facebook Comments