کورونا ٹیسٹ کا نتیجہ صرف 10 منٹ میں

آئی ٹی ماہرین ایک ایسی ایپ بنانے میں مصروف ہیں جس سے عالمی وبا کورونا وائرس ٹیسٹ کا نتیجہ صرف دس منٹ میں حاصل کیا جا سکے گا۔

غیر ملکی خبر رساں ادارے کی رپورٹ کے مطابق نئی ایپ انسانی تھوک کی مدد سے صرف دس منٹ میں کورونا کا پتہ چلائے گی۔

موبائل فون ایک چھوٹی خوردبین سے منسلک ہو گا، جس کی مدد سے تھوک کے تجزیے سے کورونا وائرس کی موجودگی کا پتہ چلایا جائے گا۔

رپورٹ کے مطابق ایپ کا مقصد کورونا ٹیسٹ کا جلد اور درست نتیجہ حاصل کرنا ہے۔

ایپ بنانے والے ایک انجینئر نے بتایا کہ “میرے کچھ دوست ہیں جن کو COVID-19 تھا اور وہ انتہائی مایوس تھے ، کیونکہ ان کے پی سی آر کے نتائج آنے میں چھ یا سات دن لگ رہے تھے اور اینٹیجن ٹیسٹ کی رپورٹس بھی منفی مل رہی تھیں۔

لیکن جب انھوں نے پی سی آر کا حتمی ٹیسٹ لیا تو انہیں پتہ چلا کہ وہ بیمار ہیں ، جس کا انہیں پہلے سے ہی شبہ تھا۔