کورونا ویکسین بنانے کی متنازعہ کوشش جو گلے پڑ گئی

جرمنی میں پچھلے سال ایک ڈاکٹر نے اپنی پرائیویٹ لیبارٹری میں کورونا سے بچاؤ کی ویکسین بنانے کی کوشش کی لیکن حکام نے اس کی حوصلہ افزائی کرنے کی بجائے الٹا اس پر کیس کر دیا۔

دی اور اسے سراہا تھا۔ اس مضمون میں وِنفرائیڈ اشٹؤکر نے کورونا ویکسین تیار کرنے کا دعویٰ کیا، جس سے انہیں یکایک کافی شہرت مل گئی۔

ونفرائیڈ اشٹؤکر کا تعلق شمالی جرمن شہر لُؤبیک سے ہے۔ جریدے میں شائع ہونے والی رپورٹ کے مطابق اشٹؤکر نے اپنی ذاتی اور پرائیویٹ لیبارٹری میں کورونا ویکسین تیار کی اور اسے کم از کم ایک سو افراد پر آزمایا تھا۔

ان کے مطابق ان کی اس ویکسین کے کوئی منفی اثرات سامنے نہیں آئے تھے اور وہ ستانوے فیصد مؤثر یا کارگر ثابت ہوئی تھی۔ جریدے کے مطابق اشٹؤکر کی ویکسین کو جلد بڑے پیمانے پر تیار کر کے اس سے سارے جرمنی کو مستفید کیا جا سکتا تھا۔

ڈاکٹر وِنفرائیڈ اشٹؤکر ایک طبی محقق ہونے کے علاوہ کاروباری شخصیت بھی ہیں، وہ اپنے شہر لُؤبیک میں ہوائی اڈہ بھی رکھتے ہیں

لیکن ڈیئر اشپیگل میگزین کے مطابق جرمن بیوروکریسی ایک ذہین موجد کی راہ میں روکاوٹ بنی اور حکام کی طرف سے ونفرائیڈ اشٹؤکر کی حوصلہ افزائی کی بجائے ان کے خلاف فوجداری الزام کے تحت کارروائی شروع کر دی گئی۔

دعوؤں پر سوالیہ نشان
لیکن یہ معاملہ اتنا سیدھا نہ تھا اور جلد واضح ہو گیا کہ ونفرائیڈ اشٹؤکر کے غیرمصدقہ دعوؤں پر ڈاکٹر کمیونٹی میں خاصا غم وغصہ تھا۔

ماہرین کے مطابق اس کی بنیادی وجہ ویکسین کی آزمائش کے لیے اشٹؤکر کی طرف سے لوگوں کے تحفظ سے متعلق تمام پہلوؤں کو یکسر نظرانداز کرنا اور سائنسی تحقیق کے بنیادی پرٹوکول کی دھجیاں اڑا دینا تھا۔

ضوابط یکسر نظرانداز
ونفرائیڈ اشٹؤکر نے ابتدا میں ویکسین کی منظوری کی کوئی باضابطہ درخواست نہیں دی تھی اور نہ ہی لوگوں پر اس کی آزمائش کی اجازت حاصل کی تھی۔

بظاہر انہوں نے اپنی لیبارٹری میں ایک ویکسین تیار کی اور سیدھا اپنے آس پاس کے لوگوں پر آزمانا شروع کر دی۔ سائنسی تحقیق کی دنیا میں اسے بنیادی ضوابط کی بڑی خلاف ورزی سمجھا جاتا ہے۔

ویکسین یا کسی دوا کی تیاری میں لیبارٹری پراسس کے ساتھ ساتھ جانوروں پر بھی اس کی آزمائش کی جاتی ہے۔ یہ ایک قدرے لمبا اور پیچیدہ عمل ہوتا ہے۔ اس میں وقت بھی لگتا ہے اور متعلقہ حکام کی منظوری درکار ہوتی ہے، جس میں جرمنی کے قومی ادارے پال ایہرلش انسٹیٹیوٹ کا اہم کردار ہوتا ہے۔

ونفرائیڈ اشٹؤکر پر الزام ہے کہ انہوں نے ان تمام ضوابط کو نظرانداز کیا۔

سابقہ تحقیق کا تسلسل
ونفرائیڈ اشٹؤکر کے مطابق انہوں نے اپنی ویکسین کو انتہائی آسانی سے مدافعتی نظام کو قوت دینے والے مادے کے ساتھ ایک ٹیسٹ ٹیوب میں تیار کیا تھا۔ ان کا یہ بھی کہنا تھا کہ ان کی ویکسین کا مقابلہ یرقان کی اے اور بی اقسام کے ساتھ کیا جا سکتا ہے۔

انہوں نے مزید دعویٰ کیا کہ مدافعت کو قوت بخشنے والے اینٹی جین پہلے سے تیار کیے جا چکے ہیں لہذا انہیں انسانی جسم میں داخل کرنے کا کوئی خوف نہیں ہونا چاہیے۔

لیکن جرمن حکام کے مطابق اشٹؤکر کی تیار کردہ ویکسین دراصل اتنی بھی کوئی منفرد چیز نہیں تھی بلکہ ان کے نزدیک یہ پہلے سے موجود ٹیکوں کا تسلسل ہے جو انفلوئنزا وغیرہ کے لیے موزوں ہے۔

ایسی ہی ایک ویکسین اس وقت تیاری کے آخری مراحل پر ہے جس کی یورپی حکام جلد منظوری دے سکتے ہیں۔