کابل: بیوٹی سیلونز کے باہر لگی ماڈلز کی تصاویر کو اسپرے کرکے چھپادیا گیا

کابل میں طالبان کی جانب سے بیوٹی سیلون کے باہر خواتین ماڈلز کی تصاویر پر سیاہ رنگ سے اسپرے کردیا گیا۔

 افغانستان پر طالبان کے کنٹرول کے بعد روز نئے قوانین اور ضابطہ کار وضع کیے جارہے ہیں اور اسی تناظر میں گزشتہ دنوں طالبان جنگجوؤں نے دیواروں پر لگے تمام خواتین ماڈلز کے پوسٹرز ہٹا دیے تھے۔

اب اس حوالے سے مزید کچھ تصاویر اور ویڈیوز سوشل میڈیا پر سامنے آئی ہیں جن میں کئی بیوٹی پارلرز اور سیلون کے باہر لگے پوسٹرز پر خواتین ماڈلز کے چہروں پر اسپرے کیا گیا ہے تاکہ ان کا چہرہ چھپایا جاسکے۔

The facade of a beauty saloon with images of women is defaced with spray paint in Shar-e-Naw in Kabul, Afghanistan.

UK warns Taliban will be judged on its “actions rather than by its words” : https://t.co/BIdWtMRtb5 pic.twitter.com/viXfxuGcjp

— AFP News Agency (@AFP) August 19, 2021

ویڈیوز اور تصاویر میں طالبان کو سفید اور سیاہ رنگ سے خواتین ماڈلز کے چہرے چھپاتے دیکھا جاسکتا ہے۔

Yesterday Taliban spokesman Zabihullah Mujahid, made headlines by claiming that they respect women’s rights. But today this is the reality in Kabul: first they erased photographs of women then they’ll remove women from public sphere. Iran have experienced these lies 42 years ago. pic.twitter.com/UfubfDZ6UQ

— Masih Alinejad 🏳️ (@AlinejadMasih) August 18, 2021

خیال رہے کہ اس سے قبل طالبان کے ترجمان ذبیح اللّٰہ مجاہد کی جانب سے خواتین کے حقوق اور میڈیا کی آزادی سے متعلق اپنی پالیسی کا اعلان کرتے ہوئے کہا گیا تھا کہ شرعی تقاضوں کے تحت خواتین کو تمام حقوق فراہم کیے جائیں گے۔

انہوں نے کہا تھا کہ خواتین کے حقوق ایک سنجیدہ مسئلہ ہیں، خواتین اسلامی روایات کے تحت سرگرمیاں جاری رکھ سکتی ہیں۔