افغانستان سے شہریوں کا انخلا، جرمن سفیر شاندار تعاون پر پاکستان کے شکرگزار

پاکستان میں جرمنی کے سفیر برن ہارڈ شیلاگ ہیک نے افغانستان سے غیرملکیوں کے انخلا میں تعاون پر پاکستان کے کردار کی تعریف کی ہے۔

جرمن سفیر برن ہارڈ شیلاگ ہیک نے سوشل میڈیا پر اپنے بیان میں اسلام آباد ائیرپورٹ پر شاندار تعاون پر پاکستانی حکام کی کارکردگی کو سراہا۔

 برن ہارڈ شیلاگ ہیک کا کہنا تھا کہ پاکستان کے تعاون کے بغیر افغانستان سے جرمن سفارتی عملے، شہریوں اور دیگر اتحادیوں کا انخلا ممکن نہ تھا۔

انہوں نے ٹوئٹر پر ایک تصویر بھی شیئر کی جس میں اسلام آباد ائیرپورٹ پر بڑی تعداد میں غیرملکیوں کو بیٹھے دیکھا جا سکتا ہے۔

جرمن سفیر نے ’پاک جرمن دوستی‘ کا ہیش ٹیگ استعمال کرتے ہوئے رومن انگریزی میں بہت شکریہ بھی لکھا۔

Kudos to the Pakistani authorities for the tremendous cooperation at Islamabad Airport. Evacuating German citizens & local staff from Afghanistan together with our European allies (esp. the 🇳🇱) would not be possible without it. Bohat Shukria! #PakGermanDosti pic.twitter.com/uG5jXGeVMo

— Bernhard Schlagheck (@GermanyinPAK) August 23, 2021