نیوزی لینڈ کا یکطرفہ فیصلہ، ڈیرن سیمی پاکستان کے حق میں سامنے آگئے
ویسٹ انڈیز کرکٹ ٹیم کے سابق کپتان ڈیرن سیمی پاکستان کے حق میں سامنے آگئے۔
اپنی ٹوئٹ میں ڈیرن سیمی کا کہنا تھاکہ نیوزی لینڈ ٹیم کا دورہ پاکستان منسوخ ہونا کافی مایوس کن خبر ہے۔
انہوں نے کہا کہ گزشتہ6 سال پاکستان کا دورہ کرتا رہا، یہ ایک بہترین ملک ہے اور میں نے پاکستان میں خود کو ہمیشہ محفوظ سمجھا۔
Disappointed waking up to the news of the cancellation of the Pakistan Vs New Zealand series because of security issues.Over the last 6 years playing and visiting Pakistan has been one of the most enjoyable experiences. I’ve always felt safe. this is a massive blow to Pakistan ☹️
— Daren Sammy (@darensammy88) September 17, 2021
ان کا کہنا تھاکہ نیوزی لینڈ ٹیم کا فیصلہ پاکستان کرکٹ کو ایک بڑا دھچکا ہے۔
خیال رہے کہ پاکستان اور نیوزی لینڈ کے درمیان پہلے ون ڈے میچ کے آغاز میں تاخیر ہوئی تھی جس کے حوالے سے یہ خبریں سامنے آئی تھیں کہ شاید کورونا کی وجہ سے کھلاڑیوں کو ہوٹل میں ہی رہنے کی ہدایت کی گئی ہے۔
پھر یہ خبر سامنے آئی کہ سکیورٹی خدشات کی وجہ سے میچ منسوخ کیا گیا ہے تاہم اب اس بات کی تصدیق ہوگئی ہے کہ نیوزی لینڈ کی ٹیم نے دورہ پاکستان ختم کردیا ہے اور اس کی وجہ سکیورٹی خدشات بتائی ہے۔
Facebook Comments