’نہیں جانتا یہ کیا ہو رہا ہے؟‘سیریز منسوخی پر ڈینی موریسن افسردہ

2021-09-19

نیوزی لینڈ کے سابق کھلاڑی و معروف کرکٹ کمنٹیٹر ڈینی موریسن نے سیریز ختم کرنے پر اظہار افسوس کیا ہے۔

سماجی رابطوں کی ویب سائٹ ٹوئٹر سے جاری پیغام میں انہوں نے کہا ہے کہ نہیں جانتا یہ کیا ہو رہا ہے؟

انہوں نے کہا کہ پاکستان میں گھومنے اور کرکٹ والا وقت بہت اچھا تھا، میری نیک خواہشات پاکستان کرکٹ کے ساتھ ہیں۔

Super sad!! Don’t know enough what’s going on??!… But truly love travelling around #Pakistan & cricket times of late in Pakistan 🙏 Feel for all there 😢🙏❤️ @TheRealPCB @iramizraja https://t.co/RW5mGKjSxF

— Danny Morrison (@SteelyDan66) September 17, 2021

واضح رہے کہ نیوزی لینڈ کرکٹ ٹیم نے دورہ پاکستان ختم کرنے کا اعلان کر دیا ہے۔ جس کے باعث پاکستان اور نیوزی لینڈ کے درمیان کرکٹ سیریز منسوخ کر دی گئی ہے۔

سی ای او نیوزی لینڈ کرکٹ ٹیم نے کہا ہے کہ ان کے لیے دورہ پاکستا ن جاری رکھنا ممکن نہیں۔

پاکستان کرکٹ بورڈ نے کہا ہے کہ نیوزی لینڈ کرکٹ بورڈ نے یکطرفہ طور پر سیریز ملتوی کرنے کا فیصلہ کیا۔

مہمان ٹیم کی سیکیورٹی کے لیے فول پروف انتظامات کررکھے تھے، نیوزی کرکٹ بورڈ کو سیکیورٹی انتظامات کی یقین دہانی کرائی تھی۔

پاکستان اور نیوزی لینڈ کی ٹیمیوں کے مابین 18 سال بعد پاکستان میں میچ ہونے جا رہا تھا۔ آخری لمحے پر دورہ منسوخ کر دیا گیا۔