معروف ترک اداکارہ ایسرا بلگچ کی اردو سیکھنے اور ترک زبان سکھانے کی ویڈیو وائرل
اسلامی فتوحات پر مبنی شہرہ آفاق ترک ڈرامہ سیریل ارطغرل غازی سے شہرت پانے والی ترک اداکارہ ایسرا بلگچ جو کہ اب معروف پاکستانی برانڈ کی ایمبیسڈر بھی ہیں
ان کی اسی پراجیکٹ کے دوران اردو کے روز مرہ کے استعمال ہونے والے جملوں کو سیکھنے اور پھر ان کا ترک زبان میں بولنے کا طریقہ سکھانے کی ویڈیو سامنے آ گئی۔
یہ ویڈیو معروف ٹیلی کمیونیکیشن کمپنی موبی لنک جاز کی جانب سے جاری کی گئی جس میں اداکارہ کہتی ہیں کہ آج وہ روزمرہ استعمال کیے جانے والے اردو کے فقروں کو سیکھ کر پاکستانیوں کو اس کا ترک زبان میں بولنے کا طریقہ بھی سکھائیں گی۔
ویڈیو میں جو وہ پہلا جملہ بولتی ہیں وہ ہے جینوئن بات (“اصل بات”)، اداکارہ کے پاس موجود ٹرانسلیٹر انہیں بتاتا ہے کہ اس کا مطلب ہے صحیح وقت پر صحیح بات کرنا، اس کے بعد ایسرا بلگچ جو الفاظ بولتی ہیں وہ ہے “بہت اعلیٰ” ان الفاظ کو بھی وہ اپنی زبان میں بول کر بتاتی ہیں۔
اس کے بعد اگلا جملہ ہوتا ہے “کیا سین ہے؟” پھر اس کے بعد “سین آن ہے” اس کے علاوہ وہ جو الفاظ بولتی ہیں وہ ہیں “جو بات ہے”۔
اس کے بعد آتا ہے پاکستانیوں کی پہچان اور فن یعنی “جگاڑ” اداکارہ معروف ڈائیلاگ کو بھی اپنی گفتگو کا حصہ بنانے کی غرض سے بولتی ہیں “آیا تے چھا گیا” اس کے بعد وہ “چیتا” کا لفظ بولتی اور پھر اس کا ترک ورژن سکھاتی ہیں۔
آخر پر وہ جاز کمپنی کا سلوگن خود سے بولنے پر خوشی کا اظہار کرتی دکھائی دیتی ہیں۔
Facebook Comments