کورونا وائرسسے24گھنٹوں میں 15مریض جاں بحق،625 نئے کیسز رپورٹ

2 دن پہلے

اسلام آباد (دھرتی نیوز) کورونا وائرس کے حملے جاری ہیں، 24گھنٹوں کے دوران ملک بھر میں 15مریض جان کی بازی ہار گئے جبکہ 625نئے کورونا کیسز رپورٹ ہوئے۔

نیشنل کمانڈ اینڈ آپریشن سینٹر کی گزشتہ 24 گھنٹوں کی رپورٹ کے مطابق ملک میں کورونا وائرس کے 15 مریض جاں بحق ہوئے، ملک اب تک ہلاک ہونے والوں کی مجموعی تعداد 6ہزار 499ہوگئی ہے۔

این سی او سی کا کہنا ہے کہ ملک بھر میں 31 ہزار 697کورونا ٹیسٹ کیے گئے جس کے بعد 625نئے کیسز سامنے آئے،

اس وقت ملک میں کورونا کے فعال کیسز کی تعداد8ہزار877ہے۔

وبا کی موجودہ صورتحال بتانے والوں کا کہنا ہے کہ کورونا وائرس کے480کیسز تشویشناک یاسنجیدہ نوعیت کے ہیں جبکہ اب تک دو لاکھ98ہزار55کورونا مریض صحت یاب ہوچکے ہیں۔

نیشنل کمانڈ اینڈ آپریشن سینٹر کے مطابق گزشتہ24گھنٹے میں کورونا کے 558مریض صحت یاب ہوئے، ملک میں اب تک3لاکھ13ہزار431مصدقہ کوروناکیسزرپورٹ ہوچکےہیں، ملک بھرمیں تاحال35لاکھ80ہزار173کورونا ٹیسٹ کئے جاچکے ہیں۔

ملک بھر کے 735 اسپتالوں میں کرونا وائرس کے 1 ہزار 11 مریض زیر علاج ہیں جن میں سے 98 مریض وینٹی لیٹر پر ہیں، ملک میں کرونا وائرس سے صحت یابی کی شرح 98 فیصد جبکہ اموات کی شرح صرف 2 فیصد ہے۔