کے ٹو سر کرکے ورلڈ ریکارڈ بنانے والے نیپالی کوہ پیماؤں نے اردو کہاں سے سیکھی؟ حامد میر کا دلچسپ انکشاف

اسلام آباد (دھرتی نیوز) اینکر پرسن حامد میر کا کہنا ہے کہ موسم سرما میں کے ٹو سر کرکے ورلڈ ریکارڈ قائم کرنے والے نیپالی کوہ پیماؤں کو اردو بھی آتی ہے جو انہوں نے نصرت فتح علی خان کی موسیقی اور پاکستانی ڈراموں سے سیکھی ہے۔

Beautiful evening organised by ⁦@CTurnerFCDO⁩ with brave Nepali climbers who made a world record by reaching the summit of K2 in winter on Jan 16th team leader ⁦@nimsdai⁩ and youngest conqueror of Mount Everest ⁦@mingma_david⁩ told us the story of their victory pic.twitter.com/BJVeGu43jm

— Hamid Mir حامد میر (@HamidMirPAK) January 22, 2021

نیپالی کوہ پیماؤں کے اعزاز میں کینیڈا کے ہائی کمشنر کی جانب سے عشائیہ دیا گیا جس میں حامد میر بھی شریک ہوئے۔ حامد میر نے نیپالی کوہ پیماؤں کی ایک ایسی تصویر شیئر کی جس میں ان کے پھٹے چہرے نظر آرہے ہیں۔ اینکر پرسن کے مطابق کوہ پیماؤں کے جسم پر سخت سردی کی وجہ سے ہونے والی فروسٹ بائٹ کے نشانات ابھی تک باقی ہیں۔

یہ نیپال کے بہادر کوہ پیما ہیں جنہوں نے موسم سرما میں کے ٹو چوٹی سر کر کے عالمی ریکارڈ قائم کیا بعض کوہ پیما بڑی اچھی اردو بول رہے تھے انہوں نے بتایا نیپال میں پاکستان کے ٹی وی ڈرامے بڑے پاپولر ہیں وہاں نصرت فتح علی خان اور راحت فتح علی بھی بڑے پاپولر ہیں ان سب نے اردو سکھا دی pic.twitter.com/OiwghfbkO0

— Hamid Mir حامد میر (@HamidMirPAK) January 22, 2021

حامد میر نے بتایا کہ نیپالی کوہ پیماؤں نے ان کے ساتھ اردو میں بات کی ، جب انہوں نے اس بارے میں پوچھا تو مہمانوں نے بتایا کہ انہوں نے اردو زبان پاکستانی ڈراموں اور نصرت فتح علی خان اور راحت فتح علی خان کی موسیقی کے ذریعے سیکھی ہے۔

ان بہادر نیپالی کوہ پیماؤں کے چہروں پر فراسٹ بائیٹ (برف سے جلد پھٹنے)کے نشانات ابھی باقی ہیں انہوں نے 16جنوری کو موسم سرما میں کے ٹو چوٹی پر اپنے وطن کا پرچم لہرا کر ورلڈ ریکارڈ بنایا اور دنیا کو بتا دیا کہ کوئی قوم چھوٹی بڑی نہیں ہوتی صرف حوصلہ اور عزم و ہمت بڑا ہوتا ہے pic.twitter.com/C3r8UlDk6T

— Hamid Mir حامد میر (@HamidMirPAK) January 22, 2021