بختاور کے ولیمے کی تصاویر سوشل میڈیا پر وائرل

سابق صدر آصف زرداری اور  سابق وزیراعظم بینظیر بھٹو کی بیٹی بختاور بھٹو زرداری کے ولیمے کی تصاویر سوشل میڈیا پر وائرل ہوگئی ہیں ۔

پاکستان پیپلز پارٹی کی رہنما اور رکن سندھ اسمبلی شرمیلا فاروقی نے گزشتہ روز سماجی رابطے کی ویب سائٹ ٹویٹر پر بلاول بھٹو کے ہمراہ بختاور بھٹو زرداری کی تصویر شیئر کی۔

❤️ pic.twitter.com/4vO5RMye44

— Sharmila faruqi (@sharmilafaruqi) January 30, 2021

تصویر میں بختاور بھٹو گہرے ہرے رنگ کے خوبصورت عروسی جوڑے میں ملبوس ہیں اور لباس کی مناسبت سے ڈیزائن کردہ ماسک بھی لگایا ہوا ہے۔

بہن کے پہلو میں کھڑے بلاول بھٹو زرداری نیلے رنگ کا کوٹ پینٹ پہنے ماسک لگائے موجود ہیں، شرمیلا فاروقی نے شیئر کی گئی تصویر میں دل والا ایموجی بھی شیئر کیا ۔

اس تصویر سے متعلق سوشل میڈیا پر قیاس آرائیاں کی جارہی ہیں کہ زیر نظر تصویر بختاور بھٹو کے ولیمے کی ہے۔

کچھ گھنٹے قبل شرمیلا فاروقی کی جانب سے بختاور بھٹو اور ان کے شوہر کی تصویر بھی شیئر کی گئی ہے جس میں بختاور بھٹو خوبصورت عروسی لباس زیب تن کیے ہوئے ہیں جب کہ اُن کے شوہر نے سیاہ رنگ کا سوٹ زیب تن کیے ہوئے ہیں۔

Congratulations all the way ❤️ pic.twitter.com/8VAqDdHNwD

— Sharmila faruqi (@sharmilafaruqi) January 31, 2021

شرمیلا فاروقی کی جانب سے نوبیاہتا جوڑے کی تصویر شیئر کرتے ہوئے شادی کی مبارکباد بھی پیش کی۔

واضح رہے کہ بختاور بھٹو زرداری دوروز قبل محمود چوہدری کے ساتھ رشتہ ازدواج میں منسلک ہو ئی تھیں۔