ستاروں کی روشنی میں آپ کا آج (ہفتہ) کا دن کیسا رہے گا؟

برج حمل ، سیارہ مریخ، 21 مارچ سے 20 اپریل

آج کافی دنوں کے بعد دل و دماغ پر جاری ٹینشن ان شاءاللہ کم ہو سکے گی اور آپ کی ایک پرانی خواہش بھی پوری ہو سکتی ہے۔ اس وقت تبدیلی کے اشارے بھی مل رہے ہیں۔

برج ثور، سیارہ زہرہ، 21 اپریل سے 20 مئی

گھبرانے کی ضرورت نہیں ہے۔ بس مکمل توکل سے کام لیں۔ اور اپنے مقاصد کی جانب قدم اٹھائیں تاکہ کامیابی حاصل ہو اور اولاد کے حوالے سے لاحق پریشانی بھی کم ہو گی۔

برج جوزہ، سیارہ عطارد، 21 مئی سے 20 جون

جو لوگ کسی بھی معاملے میں گرفتار تھے۔ ان شاءاللہ آج اس میں سے نکلنے میں کامیاب ہو سکیں گے اور مقدمے انکوائری میں پھنسے ہوئے بھی تیزی سے اب بہتری کی جانب جا رہے ہیں۔

برج سرطان، سیارہ چاند، 21 جون سے 20 جولائی

ان دنوں آپ کو اپنے گھر پر خاص توجہ دینے کی اشد ضرورت ہے اور کسی بھی معاملے میں درگزر سے کام لیں گے تو زیادہ بہتر ہے، تاکہ کسی بُرے نقصان سے بچ سکیں۔ یہ بہت ضروری ہے۔

برج اسد، سیارہ شمس، 21 جولائی سے 21 اگست

جو لوگ آپ کو کئی دنوں سے تنگ کر رہے ہیں۔ وہ انشاءاللہ اب خودبخود پیچھے ہٹ جائیں گے اور ایک ایسا سلسلہ بھی سامنے آ سکتا ہے جو آپ کے لئے بہت شاندار ثابت ہوگا۔

برج سنبلہ ، سیارہ عطارد، 22 اگست سے 22 ستمبر

آپ جن مسئلے کو اپنے سر پر سوار کئے ہوئے ہیں۔ اس میں کوئی بڑا خطرہ نہیں ہے۔ صرف وہم ہے۔ آپ بس آج ہر ممکن اپنے معاملات کو دیکھیں اور روزگار پر توجہ ضرور دیں۔

برج میزان ، سیارہ زہرہ، 23 ستمبر سے 22 اکتوبر

اچھے بُرے کی تمیز آپ نے خود کرنا ہے اور آپ کو اندازہ بھی ہوگا کہ کوئی آپ کے ساتھ کیسے چل رہا ہے۔ اس وقت تو آپ خود غلط سمت سفر کرتے ہوئے دکھائی دیتے ہیں۔

برج عقرب ، سیارہ مریخ، 23 اکتوبر سے 22 نومبر

جو مشکل تھی وہ ان شاءاللہ کسی وقت بھی ختم ہو سکتی ہے اور آپ کی جان کو سکون نصیب ہوگا، البہت اپنوں سے دوری دینے والا ستارہ آج کل حرکت میں اس طرف توجہ ضرور دیں۔

برج قوس ، سیارہ مشتری، 23 نومبر سے 20 دسمبر

مالی طور پر آج ان شاءاللہ کسی طرف سے فائدے کی خبر آ سکتی ہے۔ آپ کو جس طرف سے کوئی مسئلہ تنگ کر رہا تھا۔ وہ بھی اب دور ہونا شروع ہو رہا ہے۔ اچھی خبریں ملیں گی۔

برج جدی ، سیارہ زحل، 21 دسمبر سے 19 جنوری

جہاں سے توقع نہیں تھی۔ اس طرف سے فائدہ حاصل ہوگا اور جن سے امید تھی وہ چکر دے جائیں گے۔ آج کا دن بڑا غیر متوقع اور غیر متوقع فیصلوں کا بھی ہو سکتا ہے ، توجہ دیں۔

برج دلو ، سیارہ زحل، 20 جنوری سے 18 فروری

آج اچھا دن رہے گا۔ ایک پرانی آرزو پوری ہونے کا امکان۔ اور توقع سے زیادہ بہتری کی خبریں موصول ہو سکتی ہیں جو لوگ سفر کرنا چاہتے ہیں۔ وہ اب ایسا کر سکتے ہیں۔

برج حوت ، سیارہ مشتری، 19 فروری سے 20 مارچ

خواتین اپنی صحت کا خاص خیال رکھیں اور صدقہ بھی دیں۔ مرد حضرات کو آج کسی جانب سے کسی کام کی پیشکش ہو گی۔ جن کی ان کو توقع بھی نہ تھی۔ مالی حوالے سے اب نیا سلسلہ بن سکتا ہے۔