ھفتہ 17 اپریل 2021

افغان فورسز کا آپریشن ، القاعدہ کے جنگجوؤں سمیت 30 دہشت گرد ہلاک

کابل : افغان صوبے کپیسا میں افغان فورسز نے آپریشن کرتے ہوئے القاعدہ کے جنگجوؤں سمیت 30 دہشت گردوں کو ہلاک اور چھ کو زخمی کردیا تاہم طالبان اور القاعدہ نے تاحال حکومتی دعوے کی تردید یا تصدیق نہیں کی۔

دھرتی نیوز کی تفصیلات کے مطابق افغان صوبے کپیسا کے ضلع نجراب میں افغان بری فوج کے کمانڈوز اور افغان فضائیہ نے مشترکہ آپریشن کیا ، آپریشن کے دوران تیس جنگجو مارے گئے جبکہ 6 زخمی ہوئے.

افغان وزارت دفاع نے دعوی کیا ہے کہ ہلاک ہونے والوں میں سولہ کا تعلق القاعدہ اور چودہ کا طالبان سے ہے تاہم طالبان اور القاعدہ کی جانب سے تاحال حکومتی دعوے کی تردید یا تصدیق نہیں کی گئی۔

خیال رہے قطر کے دارالحکومت دوحہ میں افغان حکومت کے نمائندوں اور طالبان کے درمیان مذاکرات جاری ہیں لیکن ابھی تک ان میں کوئی نمایاں پیش رفت ہوئی ہے اور نہ فریقین میں ان مذاکرات کے کسی ایجنڈے پر اتفاق رائے ہوسکا ہے، دوحہ میں بین الافغان بات چیت 12 ستمبر کو شروع ہوئی تھی اور یہ دھیرے دھیرے آگے بڑھ رہی ہے۔

گذشتہ سال ستمبر میں افغان سکیورٹی فورسز اور طالبان کے درمیان جنگ زدہ ملک کے مشرقی علاقے میں خونریز لڑائی ہوئی تھی ، جس کے نتیجے میں 65 طالبان جنگجو ہلاک ہوگئے تھے۔

Facebook Comments


Dharti News Headlines 6 PM The list of the most powerful countries in the world has been released | Dharti News Twenty percent of Pakistanis own 50 percent of the country’s wealth | Dharti News Dharti News Bulletin 04:30 PM Local and international News – Dharti News Local and International News Bulletin 12 PM Dharti News Headlines 9:00 AM