سعودی پاسپورٹ کے مؤثر ہونے سے متعلق حکومت کا اہم اعلان

ریاض : سعودی محکمہ پاسپورٹ کے تمام تارکین وطن کو آگاہ کیا ہے کہ گھریلو ملازمین کے خروج نہائی یعنی فائنل ایگزٹ کیلئے اس کے پاسپورٹ کا مؤثر ہونا ضروری ہے۔ اس کے علاوہ اقامہ کی تجدید 14ماہ قبل کرانا ہوگی۔

تفصیلات کے مطابق سعودی محکمہ پاسپورٹ نے کہا ہے کہ گھریلو ملازمین جس کو فائنل ایگزٹ کرانا مقصود ہو اس کیلئے بنیادی شرط یہ ہے کہ ملازم یا ملازمہ کا پاسپورٹ مؤثر ہو اس کے بغیر فائنل ایگزٹ جاری نہیں ہو سکتا۔

محکمہ پاسپورٹ کے ٹوئٹر اکاؤنٹ پر ایک شہری نے سوال کیا کہ میرے گھر ایک ملازمہ کام کرتی ہے جس کا تعلق بنگلہ دیش سے ہے، اس کا پاسپورٹ اسی مہینے ختم ہو گیا ہے اور وہ اسے فائنل ایگزٹ پر بھیجنا چاہتا ہے، اور اس کی اگلے ماہ کی سیٹ بھی کنفرم ہے، کیا اس صورت میں خروج نہائی لگ سکتا ہے یا پاسپورٹ غیر مؤثر ہونے کی صورت میں خروج نہائی کا اجرا ممکن نہیں ہوگا؟

جس کے جواب میں محکمہ پاسپورٹ ترجمان نے کہا کہ مقررہ ضوابط کے مطابق کسی بھی گھریلو ملازم یا ملازمہ کا خروج نہائی (فائنل ایگزٹ) اس وقت تک نہیں نکالا جا سکتا جب تک اس کا پاسپورٹ موثر نہ ہو۔

اس کے علاوہ ایک اور سوال میں کہ اقامے کی میعاد ختم ہونے سے کتنی مدت پہلے تک اقامے کی تجدید کرائی جاسکتی ہے یا نہیں؟۔ ترجمان کا کہنا تھا کہ اگر معاملہ گھریلو ملازم یا ملازمہ کا ہے تو ایسی صورت میں اس کے اقامے کی تجدید ایسی صورت میں بھی کرائی جاسکتی ہے جبکہ اس کا اقامہ ختم ہونے میں 14 ماہ سے کم باقی ہوں۔