پی ایس ایل سیزن سکس کے بقیہ میچز کا شیڈول تیارکرلیاگیا

لاہور(دھرتی نیوز)پاکستان سپر لیگ(پی ایس ایل)سیزن سکس کے بقیہ میچز کا شیڈول تیار کرلیاگیا،22 مئی سے 28 مئی تمام ٹیمیں قرنطینہ کرینگی ،29 مئی سے 31 مئی تک ٹیمیں پریکٹس کرینگی۔

  دھرتی نیوز نے ذرائع کے حوالے سے کہاہے کہ یکم جون سے پی ایس ایل سیزن سکس کے بقیہ میچز کاآغاز ہو گا،16 جون کو پلے آف میچزکھیلے جائیں گے جبکہ پی ایس ایل سیزن سکس کا فائنل 20 جون کوہوگا۔ذرائع کاکہناہے کہ کراچی کنگزدوجون کو ملتان سلطانزسے ٹکرائے گی،کراچی کنگزکا 6 جون کوپشاور زلمی سے ٹاکرا ہوگا،ذرائع کا مزید کہناہے کہ 10 جون کو کراچی کنگز اورکوئٹہ گلیڈی ایئرز کا میچ ہو گا،کراچی کنگزاورلاہور قلندرز 12 جون کو ٹکرائیں گی۔

 واضح رہے کہ کھلاڑیوں کے کورونا ٹیسٹ پازیٹو آنے پر لیگ کو منسوخ کردیا گیا تھا،انتظامیہ کی جانب سے بقیہ میچز بعد کرانے کااعلان کیا گیاتھا۔