یواین سیکریٹری جنرل انتونیوگوتریس کا کرتارپور کا دورہ

کرتار پور : اقوام متحدہ کے سیکریٹری جنرل نے کرتار پور راہداری کوپاکستان کی امن دوست خواہش کی عملی مثال قرار دے دیا ، انتونیو گوتریس نے گوردوارہ کا دورہ کیا، لنگر خانے میں کھانا کھایا اور لائبریری بھی گئے۔

تفصیلات کے مطابق اقوام متحدہ کے سیکریٹری جنرل انتونیوگوتریس کی کرتارپور پہنچے تو ان کا استقبال وفاقی وزیر مذہبی امور نورالحق قادری نےکیا، کرتارپورگوردوارہ کی بندھک کمیٹی نے بھی انتونیوگوتریس کوخوش آمدیدکہا

انتونیوگوتریس کوسنگ مرمرسےبنےکرتارپورگوردوارے کا دورہ کرایاگیا، مختلف مقامات دکھائےگئے اور تاریخ بتائی گئی، یواین سیکریٹری جنرل کوسکھ یاتریوں کودی جانیوالی سہولتوں سےآگاہ کیاگیا۔

بریفنگ میں بتایاگیادربارکرتارپورصاحب سکھ برداری کیلئےمقدس حیثیت کا حامل ہے ، پاکستان میں سکھوں سمیت دیگرمذاہب کےماننےوالوں کومکمل آزادی ہے، راہداری کامقصدسکھ برادری کوانکےمقدس ترین مذہبی مقام تک بآسانی رسائی فراہم کرنا ہے۔

بعد ازاں لنگرخانے میں سیکریٹری جنرل نے بھارت سے آئے سکھ یاتریوں کیساتھ کھانا کھایا ، وفاقی وزیر مذہبی امور نورالحق قادری اوردیگر حکام بھی کھانے میں شریک ہوئے،سیکریٹری جنرل نےروایت پر عمل کرتےہوئےحوض کاپانی سرپرڈالا۔

سیکریٹری جنرل کو بندھک کمیٹی نے چادر پہنائی اورتحائف دیئے انتونیوگوتریس نےکرتارپوردربارمیں قائم لائبریری بھی دیکھی۔

کرتارپورروانگی سے قبل یواین سیکریٹری جنرل نے ڈی ایچ اےکنڈرگارٹن اسکول کادورہ کیا ، جہاں وزیرصحت پنجاب ڈاکٹریاسمین راشدنے ان کا استقبال کیا، انتونیو گوتریس نےبچوں کوپولیو سےبچاؤ کے قطرے پلائے۔

سیکرٹری جنرل اقوام متحدہ انتونیو گوتریس نے اسکول کےبچوں سےملاقات کی اور یادگاری کتاب میں کلمات بھی درج کئے، اس موقع پر انتونیو گوتریس نے کہا پاکستان کےوالہانہ استقبال ،مہمان داری کاشکریہ اداکرتے ہیں، پاکستان ماضی کی نسبت اب زیادہ پرامن ملک ہے، اقوام متحدہ پاکستان میں بیماریوں سے لڑنے کیلئے تعاون کی یقین دہانی کراتاہے۔