منگل 30 اپریل 2024

ملک بھر میں پہلا روزہ 25 اپریل کو ہو گا: فواد چوہدری کا دعویٰ

ملک بھر میں پہلا روزہ 25 اپریل کو ہو گا: فواد چوہدری کا دعویٰ

وفاقی وزیر برائے سائنس اینڈ ٹیکنالوجی فواد چوہدری کا کہنا ہے ملک بھر میں یکم رمضان المبارک 25 اپریل کو ہو گا۔

فواد چوہدری نے اپنے ٹوئٹر بیان میں کہا کہ انشاءاللہ رمضان المبارک کا چاند 24 اپریل کو پورے ملک میں دیکھا جا سکے گا اور 25 اپریل کوپہلا روزہ ہو گا۔

انہوں نے کہا کہ مرکزی رویتِ ہلال کمیٹی نے ذی القعد اور رجب دونوں کی غلط تاریخ دیں۔

یہ بھی پڑھیں
فواد چوہدری کا مفتی منیب اور مفتی پوپلزئی کو چاند دیکھنے کی دعوت دینے کا اعلان
رمضان، عید اور محرم کے چاند کی رویت کا تنازع حل کرنے کیلئے تکنیکی کمیٹی قائم
وفاقی وزیر نے مزید کہا کہ 5 مارچ کو پارلیمان کی مذہبی امور کی کمیٹیوں کو بریفنگ دیں گے کہ عید اور اسلامی تہوار تقسیم نہیں اتحاد کا باعث بننے چاہئیں۔

خیال رہے کہ گزشتہ برس بھی فواد چوہدری نے رمضان المبارک کے حوالے سے دعویٰ کیا تھا کہ ان کی وزارت نے ایک موبائل ایپ تیار کی ہے جس کی مدد سے رمضان اور عید کا چاند ہر کوئی دیکھ سکے گا۔

فواد چوہدری نے رمضان المبارک اور عیدین کے حوالے سے چاند دیکھنے کے رویت ہلال کمیٹی کے طریقہ کار کو بھی تنقید کا نشانہ بناتے ہوئے کہا تھا کہ چاند دیکھنے کے لیے جدید ترین ٹیکنالوجی کا استعمال کرنا چاہیے۔

Facebook Comments