جرمنی میں تیرتے ہوئے گھر

جرمنی میں ہاؤس بوٹس میں لوگوں کی دلچسپی بڑھ رہی ہے۔ اس دلچسپی کی وجہ ان کشتیوں کا آرام دہ ہونا ہے لیکن کورونا وبا کے باعث بھی اب بہت سے جرمن تفریح کے لیے ان ہاؤس بوٹس کا رخ کر رہے ہیں۔

 برلن کے نواح میں کئی کشتیاں سیاحوں کے لیے تیار ہیں۔ یہاں چھوٹی کشتیاں بھی ہیں اور کئی کمروں والی بڑی کشتیاں بھی۔ ہاؤس بوٹس کو چلانا بہت آسان ہے۔ قریب دو گھنٹے میں سیاحوں کو سکھا دیا جاتا ہے کہ ہاؤس بوٹ کو کیسے چلانا ہے۔ ہاؤس بوٹس صرف آٹھ کلومیٹر فی گھنٹہ کی رفتار سے چلتی ہیں۔

ہاؤس بوٹ کے انجن کی ہلکی ہلکی آواز اور پانی کا بہاؤ کافی پر سکون ماحول بنا دیتا ہے۔ آس پاس کے مناظر، گھر اور لوگ آپ یہ سب دیکھتے ہوئے ان کے ساتھ دھیرے دھیرے گزرتے ہیں۔

 کچھ ہاؤس بوٹس کافی زیادہ آرام دہ ہیں۔ کچھ کشتیوں میں کمرے، ٹوائلٹ، شاور اور کچن تک ہوتے ہیں۔ حالیہ کچھ برسوں میں ہاؤس بوٹس کو کافی زیادہ آرام دہ اور سیاحوں کے لیے دلکش بنایا گیا ہے۔

 بکنگ منسوخ کرنے کی سہولت
کورونا ویکسین کی دستیابی عام ہونے تک یہ بات طے ہے کہ پہلے کی طرح سفر نہیں کیا جاسکے گا۔ لیکن گرمیوں کی تعطیلات کے لیے اسپین اور یونان جیسے مقبول ترین یورپی سیاحتی مقامات کی پہلے سے بکنگ جاری ہیں۔ اس کی ایک وجہ ٹریول آپریٹرز کی جانب سے سفری پابندیاں جاری ہونے کی صورت میں لوگوں کو مفت میں بکنگ منسوخ کرنے کی سہولت دینا ہے۔

جرمن شہری اب ایسے چھٹیاں منانا پسند کرتے ہیں۔ اپریل سے اکتوبر کے مہینے سیاحت کرنے کے لیے بہترین مہینے ہیں۔ اس سال گرمیوں میں کئی سیاح پہلے ہی ہاؤس بوٹس کو بک کر چکے ہیں۔

یورپی یونین کے ممالک کووڈ ‘ٹریول پاس‘ پر متفق

کورونا وائرس وبا کے باعث بھی ایسی سیاحت میں اضافہ ہوا ہے۔ یہ محفوظ بھی ہے اور گھر سے باہر، قدرت کے قریب چھٹیاں منانے کا بہترین ذریعہ بھی۔