کورونا وائرس کے باعث انڈین پریمیئر لیگ 15 اپریل تک ملتوی

عالمی سطح پر کورونا وائرس کے بڑھتے ہوئے خطرے کے پیش نظر بھارتی کرکٹ حکام نے دنیا کی سب سے بڑی کرکٹ لیگ انڈین پریمیئر لیگ (آئی پی ایل) کو 15 اپریل تک ملتوی کردیا ہے۔

انڈین پریمیئر لیگ کا آغاز رواں ماہ 29 مارچ سے ہونا تھا لیکن بورڈ آف کنٹرول فار کرکٹ ان انڈیا (بی سی سی آئی) کے صدر سارو گنگولی اور سیکریٹری جے شاہ سمیت اعلیٰ عہدیداروں نے اتفاق رائے سے حکومت کے مشورے پر عمل کرتے ہوئے لیگ ملتوی کرنے کا فیصلہ کیا۔

آئی پی ایل کی جانب سے تمام فرنچائز کو پیغام بھیج دیا گیا ہے کہ حکام ہفتے کو تمام ٹیم مالکان سے ممبئی میں ملاقات کریں گے تاکہ اس معاملے پر تفصیلی بریفنگ دے سکیں۔

بی سی سی آئی کی جانب سے جمعہ کو جاری کیے گئے اعلامیے میں کہا گیا کہ کورونا وائرس کے پیش نظر احتیاطی تدابیر کے طور پر آئی پی ایل کو 15اپریل تک منسوخ کردیا گیا ہے۔

بیان میں کہا گیا کہ بورڈ آف کنٹرول فار کرکٹ ان انڈیا تمام اسٹیک ہولڈرز خصوصاً عوام کی صحت کے حوالے سے بہت حساس ہے اور آئی پی ایل سے منسلک تمام افراد کی حفاظت کے لیے ہر ممکن ضروری اقدامات اٹھائے جارہے ہیں۔

یاد رہے کہ آئی پی ایل کورونا وائرس سے متاثر ہونے والا دنیا کا واحد کھیلوں کا مقابلہ نہیں بلکہ اس سے قبل دنیا کے مشہور ترین مقابلے یوئیفا چیمپیئنز لیگ اور دنیا کی مہنگی ترین لیگز میں سے ایک نیشنل باسکٹ بال ایسوسی ایشن (این بی اے) نے بھی کورونا وائرس کے باعث تاحکم ثانی مقابلے منسوخ کردیے ہیں۔

پاکستان سپر لیگ سمیت دنیا کے متعدد ملکوں میں کھیلوں کے مقابلے تماشائیوں کے بغیر منعقد کرانے کا فیصلہ کیا ہے جبکہ یورپ میں سب سے زیادہ متاثر ہونے والے ملک اٹلی میں مکمل لاک ڈاؤن ہے اور ہر قسم کے کھیلوں کے مقابلے منسوخ کر دیے گئے ہیں۔

آج مشہور ہسپانوی فٹبال لیگ ‘لا لیگا’ کے مقابلے بھی منسوخ کر دیے گئے ہیں جبکہ مشہور آسٹریلین گرینڈ پرکس کے مقابلے بھی تاحکم ثانی معطل کر دیے گئے ہیں۔

اسی طرح اے ٹی پی ٹور نے ٹینس کے تمام مقابلوں کو منسوخ کردیا ہے اور میچز کے لیے اگلی تاریخوں کا اعلان بعد میں کیا جائے گا جبکہ عالمی ادارہ صحت کی جانب سے تمام ممالک کو انتباہ جاری کیا گیا ہے کہ وہ ہر ممکن حد تک کوشش کریں کہ اپنے عوام کو ایک جگہ اجتماع کی صورت میں جمع نہ ہونے دیں۔

عالمی سطح پر کورونا وائرس کے بڑھتے ہوئے خطرے کے پیش نظر بھارتی کرکٹ حکام نے دنیا کی سب سے بڑی کرکٹ لیگ انڈین پریمیئر لیگ (آئی پی ایل) کو 15 اپریل تک ملتوی کردیا ہے۔

انڈین پریمیئر لیگ کا آغاز رواں ماہ 29 مارچ سے ہونا تھا لیکن بورڈ آف کنٹرول فار کرکٹ ان انڈیا (بی سی سی آئی) کے صدر سارو گنگولی اور سیکریٹری جے شاہ سمیت اعلیٰ عہدیداروں نے اتفاق رائے سے حکومت کے مشورے پر عمل کرتے ہوئے لیگ ملتوی کرنے کا فیصلہ کیا۔

آئی پی ایل کی جانب سے تمام فرنچائز کو پیغام بھیج دیا گیا ہے کہ حکام ہفتے کو تمام ٹیم مالکان سے ممبئی میں ملاقات کریں گے تاکہ اس معاملے پر تفصیلی بریفنگ دے سکیں۔

بی سی سی آئی کی جانب سے جمعہ کو جاری کیے گئے اعلامیے میں کہا گیا کہ کورونا وائرس کے پیش نظر احتیاطی تدابیر کے طور پر آئی پی ایل کو 15اپریل تک منسوخ کردیا گیا ہے۔

بیان میں کہا گیا کہ بورڈ آف کنٹرول فار کرکٹ ان انڈیا تمام اسٹیک ہولڈرز خصوصاً عوام کی صحت کے حوالے سے بہت حساس ہے اور آئی پی ایل سے منسلک تمام افراد کی حفاظت کے لیے ہر ممکن ضروری اقدامات اٹھائے جارہے ہیں۔

یاد رہے کہ آئی پی ایل کورونا وائرس سے متاثر ہونے والا دنیا کا واحد کھیلوں کا مقابلہ نہیں بلکہ اس سے قبل دنیا کے مشہور ترین مقابلے یوئیفا چیمپیئنز لیگ اور دنیا کی مہنگی ترین لیگز میں سے ایک نیشنل باسکٹ بال ایسوسی ایشن (این بی اے) نے بھی کورونا وائرس کے باعث تاحکم ثانی مقابلے منسوخ کردیے ہیں۔

پاکستان سپر لیگ سمیت دنیا کے متعدد ملکوں میں کھیلوں کے مقابلے تماشائیوں کے بغیر منعقد کرانے کا فیصلہ کیا ہے جبکہ یورپ میں سب سے زیادہ متاثر ہونے والے ملک اٹلی میں مکمل لاک ڈاؤن ہے اور ہر قسم کے کھیلوں کے مقابلے منسوخ کر دیے گئے ہیں۔

آج مشہور ہسپانوی فٹبال لیگ ‘لا لیگا’ کے مقابلے بھی منسوخ کر دیے گئے ہیں جبکہ مشہور آسٹریلین گرینڈ پرکس کے مقابلے بھی تاحکم ثانی معطل کر دیے گئے ہیں۔

اسی طرح اے ٹی پی ٹور نے ٹینس کے تمام مقابلوں کو منسوخ کردیا ہے اور میچز کے لیے اگلی تاریخوں کا اعلان بعد میں کیا جائے گا جبکہ عالمی ادارہ صحت کی جانب سے تمام ممالک کو انتباہ جاری کیا گیا ہے کہ وہ ہر ممکن حد تک کوشش کریں کہ اپنے عوام کو ایک جگہ اجتماع کی صورت میں جمع نہ ہونے دیں۔