’پتھر پر لکیر نہیں کہ ایک ہی شادی کرنی ہے‘عائشہ عمر

معروف اداکارہ عائشہ عمر نے شادی سے متعلق موضوع پر گفتگو کرتے ہوئے کہا کہ اگر ایک شادی کامیاب نہیں ہوئی تو دوسری بھی کی جاسکتی ہے۔

عائشہ عمر حال ہی میں نجی ٹی وی کے ایک پروگرام میں جلوہ گر ہوئیں جہاں ان سے سوال و جواب کے ایک سیشن میں دو آپشنز میں سے کسی ایک کا انتخاب کرنے کو کہا گیا۔

اداکارہ سے پوچھا گیا کہ شادی ایک بار کرنی چاہیے یا دوبارہ بھی کی جاسکتی ہے۔ اس سوال کا جواب دیتے ہوئے عائشہ عمر کا کہنا تھا کہ اگر شادی کامیاب نہیں ہوئی تو دوسری بھی کرسکتے ہیں۔

انہوں نے طنزیہ لہجہ اپناتے ہوئے مزید کہا یہ کیا پتھر پر لکیر کہ ایک ہی شادی کرنی ہے، اگر وہ کامیاب نہیں ہوئی تو اذیت میں کیوں رہنا ہے، ایسا جیون ساتھی چنیں کہ آپ کو لگے بس یہ ایک ہی ہو۔