ایل جی نے جراثیم مارنے والا روبوٹ پیش کردیا
معروف کمپنی ایل جی نے ایسا خودکار روبوٹ متعارف کرایا ہے جو الٹرا وائلٹ روشنی کو استعمال کرکے چیزوں کی سطح کو جراثیموں سے پاک کرتا ہے۔
اس روبوٹ کو متعارف کرانے کا مقصد کورونا وائرس کی وبا کی روک تھام میں مدد فراہم کرنا ہے۔
اس روبوٹ کو کلوئی یو وی۔ سی کا نام دیا گیا ہے جو مخلتف مقامات میں زیادہ چھوئی جانے والی چیزوں کی سطح کو الٹرا وائلٹ روشنی سے جراثیموں سے پاک کرتا ہے۔
دنیا کی سب سے بڑی ٹیکنالوجی نمائش سی ای ایس کے موقع پر اسے متعارف کرایا گیا اور کمپنی کے مطابق یہ ہوٹلوں، ریٹیل مراکز، دفاتر اور تعلیمی اداروں کے لیے بہترین ہے، جہاں لوگوں کی تعداد زیادہ ہوتی ہے اور لاتعداد چیزوں کو چھوا جاتا ہے۔
اس سے قبل ایل جی نے گزشتہ سال ایل اسمارٹ فیس ماسک بھی متعارف کرایا تھا جسے کمپنی نے ویئرایبل ایئر پیوریفائر قرار دیا تھا۔
ایل جی کے مطابق یہ روبوٹ اس وقت تیار کیا گیا ہے جب مختلف مقامات کی صفائی اولین ترجیح بن چکی ہے۔
The LG CLOi UV-C Robot use UV lamps to protect against infectants. These CLOi robots go around high touch, high traffic areas and use UV lights to help reduce exposure to harmful germs. #LGCES2021 @LGCommDisplays pic.twitter.com/901bPsfHJ7
— LG Electronics (@LGUS) January 11, 2021
Facebook Comments