ابرارالحق نے علی سدپارہ کی خواہش پوری کرنے کا اعلان کردیا

پاکستان کے معروف گلوکار اور چیئرمین انجمن ہلال احمر پاکستان ابرار الحق نے کے ٹو پر لاپتا ہونے والے پاکستانی کوہ پیما  علی سدپارہ کا خواب پورا  کرنے کا اعلان کیا ہے۔

گلوکار ابرارالحق کی جانب سے کی گئی ٹوئٹ میں انہوں نے کہا کہ ‘میں نے ابھی یہ خبر سنی ہے کہ محمد علی سدپارہ  اس مشن کے بعد اپنے گاؤں میں ایک اسکول بنانا چاہتے تھے’۔

I have just heard the news that Muhammad Ali Sadpara wanted to build a school in his village after his mission therefore we have decided to fulfil his dream and Inshahallah a school will be built in the village of our hero in his memory.#muhammadalisadpara pic.twitter.com/0A2X6eJOZg

— Abrar Ul Haq (@AbrarUlHaqPK) February 15, 2021

ابرالحق نے کہا کہ ‘لہٰذا ہم نے ان کا خواب پورا کرنے کا فیصلہ کیا ہے اور انشاء اللہ ان کی یاد میں ہمارے ہیرو کے گاؤں میں ایک اسکول بنایا جائے گا’۔

خیال رہے کہ دنیا کی دوسری بلند چوٹی کے ٹو مہم کی جوئی کے دوران لاپتا ہونے والے فخر پاکستان محمد علی سدپارہ اور دو غیر ملکی کوہ پیماؤں کا سراغ تا حال نہ مل سکا۔

موسم سرما کے دوران کے ٹو کو سر کرنے کے لیے جانے والے علی سدپارہ اور دیگر 2 غیر ملکی کوہ پیما 5 فروری سے لاپتا ہیں جن کی تلاش کے لیے کئی ریسکیو آپریشن کیے گئے تھے۔