”افغان عوام غریب ، سیاستدان اور جرنیل ارب پتی ہیں “فواد چوہدری کا افغان صورتحال پر اہم بیان

اسلام آباد(دھرتی نیوز) وفاقی وزیرفواد چوہدری کا کہنا ہے کہ افغان عوام غربت میں ہے اورافغان حکمرانوں کے بیرون ملک اربوں کے اثاثے ہیں۔

وفاقی وزیربرائے سائنس و ٹیکنالوجی فواد چوہدری ٹویٹر پر پیغام جاری کرتے ہوئے کہا کہ افغان عوام غربت میں ہیں اور افغان حکمرانوں کے بیرون ملک اربوں کے اثاثے ہیں، طالبان کے آٹھویں صوبے پرقبضے کے بعد افغانستان اورامریکی عوام کو افغانستان کے موجودہ حکمرانوں کے سامنے سوال رکھنا چاہئے۔فواد چوہدری نے کہا کہ آخرافغانستان کو دیے جانے والے 2 ہزارارب ڈالرزکوزمین کھا گئی یا آسمان نگل گیا؟ اتنے پیسہ لگنے کے بعد افغان فوج پتوں کی طرح کیوں بکھررہی ہے؟

 فواد چوہدری نے کہا کہ یہ کیا ہے کہ افغانستان کے عوام تو غربت میں پس رہے ہیں لیکن افغانستان کے سیاستدان اور جرنیل ارب پتی ہیں، ان تمام کے بیرون ملک اربوں کے اثاثے ہیں، کرپشن کس طرح قوموں کو غرق کر دیتی ہے افغانستان اس کی مثال ہے۔