سعودی عرب میں ملازمین کے لیے نئے قواعد وضوابط

ریاض: (دھرتی نیوز) سعودی حکومت نے بنگلہ دیش سے افرادی قوت منگوانے کے لیے ضوابط مقرر کیے ہیں۔

دھرتی نیوز کی تفصیلات کے مطابق سعودی شہری نے وزارت افرادی قوت وسماجی بہبود سے سوال کیا کہ بنگلہ دیش سے افرادی قوت درآمد کرنے کی کیا شرائط ہیں؟

وزارت افرادی قوت نے سماجی رابطے کی ویب سائٹ ٹویٹر پر شہری کے سوال کا جواب دیتے ہوئے کہا کہ بنگلہ دیش سے گھریلو کارکن کے طور پر کسی بھی غیر شادی شدہ شخص کی خدمات حاصل نہیں کی جاسکتیں البتہ نجی ڈرائیور اور فیملی میل نرس کا ویزہ جاری ہوسکتا ہے اس پر کوئی پابندی نہیں ہے

واضح رہے کہ سعودی عرب میں‌ گھریلو ملازمین کی تعداد میں اضافہ ہوا ہے۔رواں سال گھریلو ملازمین کی تعداد 14 فیصد بڑھ کر 36 لاکھ 90 ہزار 90 ہزار سے زیادہ ہوگئی ہے۔