کے الیکٹرک کے دعوے کے باوجود کراچی کا 90 فیصد علاقہ تاحال بجلی سے محروم
رات گئے پاکستان بھر میں آنے والے بجلی کے بڑے بریک ڈاؤن کے بعد اب ملک میں بجلی کی بحالی کا عمل جاری ہے اور ترجمان کے الیکٹرک نے بھی شہر کے مختلف علاقوں میں بجلی کی بحالی کادعویٰ کیا ہے۔
ترجمان کے الیکٹرک کے کراچی کے مختلف علاقوں میں بجلی کی فراہمی بحال کرنےکے دعوے کے باوجود شہر کا 90 فیصد علاقہ اب بھی بجلی سے محروم ہے۔
جناح اسپتال، این آئی سی وی ڈی، عباسی شہید اسپتال اور سول اسپتال سمیت کراچی کے سرکاری اسپتالوں میں بھی بجلی تاحال بحال نہیں ہو سکی ہے جبکہ جناح انٹرنیشنل ائیرپورٹ پر بھی جنریٹر چلا کر ضروری امور انجام دیے جا رہے ہیں۔
ترجمان کے الیکٹرک کے مطابق مطابق فیڈرل بی ایریا بلاک 14، 16، بفرزون، انچولی، نیا ناظم آباد، ملیر کے بعض علاقوں، سپر ہائی وے کے اطراف، ولیکا اورکے ڈی اے کے چند مقامات پر بجلی بحال کر دی گئی ہے۔
8 سے زائد گھنٹے گزرنے کے باوجود شہر کا بیشتر علاقہ اب بھی بجلی سے محروم ہے جس کی وجہ سے شہریوں کو مشکلات کا سامنا ہے۔
Facebook Comments