سعودی عرب: ٹرین میں سفر کرنے والوں کیلئے اہم خبر

ریاض:(دھرتی نیوز ڈیسک) سعودی ریلوے کمپنی ’سار’ نے وضاحت کی ہے کہ وہ شہری جو ریل میں سفر کرنا چاہتے ہیں ان کے پاس ‘توکلنا’ نامی ایپ کا ہونا لازمی ہے۔

غیرملکی خبررساں ادارے کی رپورٹ کے مطابق سعودی عرب میں ریلوے مسافروں کو ٹرین میں بیٹھنے سے قبل توکلنا دکھانا ہوگا، اس ایپ کے بغیر کسی مسافر کو ٹرین میں بیٹھنے کی اجازت نہیں ہوگی۔

سعودی شہروں میں کورونا احتیاطی تدابیر کے حوالے سے لوگوں کو ہدایات جاری کی گئی تھیں کہ وہ اپنے موبائل فونز پر’توکلنا‘ ایپ انسٹال کریں جس کے ذریعے صارف کی صحت کے بارے میں اہم معلومات اپ لوڈ کی جاتی ہیں تاکہ اس سے یہ معلوم ہو سکے کہ اکاؤنٹ ہولڈر کرونا وائرس میں مبتلا تو نہیں ہے۔

خیال رہے کہ حالیہ دنوں سعودی عرب کے سرکاری و نجی اداروں نے توکلنا ایپ دکھائے بغیر بازاروں اور پبلک مقامات میں داخلے پر بھی پابندی لگادی ہے جس کے باعث بہت سے لوگ توکلنا ایپ ڈاؤن لوڈ کر رہے ہیں۔